Taaibos Views is ‘n lieflike selfsorghuis tussen wingerde en pruimboorde op ‘n rustige plaas net 24 km buite Bonnievale.

Dié huis is geskik vir 8 gaste en het 4 slaapkamers, ‘n badkamer en ‘n gastetoilet. Twee van die slaapkamers het elk ‘n dubbelbed en die ander 2 het elk 2 enkelbeddens. Die badkamer het ‘n stort, bad, toilet en wasbak. Alle linne en badhanddoeke word voorsien. 

Die hoofleefarea bestaan uit ‘n kombuis, eetarea en ‘n sitarea met ‘n ingeboude braai. Die kombuis is met ‘n stoof, oond, mikrogolf, yskas-vrieskas, skottelgoedwasser, eetgerei, breekware en tee- en koffiemaakgeriewe toegerus. Die sitarea het gemaklike sitplek en ‘n etenstafel waar 8 gaste kan sit. 

Dié huis is net ‘n hanetreetjie van ‘n dam af waar gaste kan visvang, swem en roei. Gaste kan ook bergfietsry en die paadjies is lekker vir draf en voetslaan. 

• Kapasiteit: 8 persone
• Inkloktyd: 14:00 tot 19:00
  Uitkloktyd: 10:00
• Adres: Taaibos Plaas, Waboomsheuwel, 24 km vanaf Bonnievale, 6730, Wes-Kaap
• Alle ouderdomme is welkom